Transcription
1
Monseigneur, despuis l’advis du partement de Messine
2
du sieur don Jean d’Austria pour aller en Levant sellon
3
le commandement du roy Philippe, havons hier heu par
4
lettres de Genes que le VIe de ce moys, arrivarent
5
audit lieu de Genes le duc de Sessa et le sieur
6
Sanzir de Leva venant d’Espaigne avecques
7
huict gallères pourtant 600 000 escus touts en realles,
8
desquels une partie ha été laissée à Genes
9
pour faire tenir par lettres de change en Flandres ;
10
l’aultre partie ha esté pourtée avecques
11
eux en Levant, où ilz sont allés pour se joindre
12
à l’armée de la Lighe. Il s’entend que le Turq a
13
faict sortir de ses montaignes ses peuples de la Morée,
14
doubtant d’eux, donnant le gast à tout ce qui ne
15
s’est peu enlever du païs bas, et que pendant
16
que l’armée de la Lighe n’a esté ensemble, qu’il
17
ha faict faire plusieurs coursses et prins envyron
18
de 25 000 âmes sur les païs des Venitiens, desquelz
19
nous n’entendons aulcung progrès qu’ilz ayent faict ceste
20
année. On discourt diversement en Italie de
21
l’embarquement du sieur Strozzi et
22
[v°] en attend-l’on quelque chose grande et inopinée,
23
sans se resouldre à aulcune certeineté ; touts
24
noz voicins ont beaucoup [remis] de la solicitude
25
et diligence qu’ilz avoyent à fortifier et munir
26
leurs places. Attendant aultres nouvelles plus certeines
27
que vous puisse escrire, et après vous avoir presenté
28
mes très humbles recommandations, je prierey le Createur,
29
Monseigneur, vous donner en toutte prosperité
30
longue vie. De Saluces, ce XVe aoust 72.
31
Votre très humble et affectioné
32
serviteur
33
M. Bovier